Ricotta latınca “yenidən bişmiş” deməkdir. Ricotta pendir suyu yenidən bişirilərək hazırlanır. Xüsusilə Mozzarella və Provolone kimi pendirlərdən alınan sudan istehsal edilir. Zülalla zəngin olan Ricotta yumşaq toxumalı və şirin dadlı bir pendir. Rəngi qar kimi ağ rəngdədir, kəsmiyə çox oxşayır. Bu pendirdən italyan yeməklərinin və şirniyyatlarının hazırlanmasında geniş istifadə olunur. Çox az yağ olduğundan, pəhrizinizə əlavə edə bilərsiniz. Həm də salatların tərkibinə daxil edildikdə ləzzətli olur. Səhər yeməyində qızardılmış və isti çörəklə yeyilir.